ಚೇವಾರು ಶಾಲಾ ವಾರ್ಷಿಕೋತ್ಸವ ಸನ್ಮಾನ ಸಮಾರಂಭ
 |
| ಮಂಜೇಶ್ವರ ಉಪಜಿಲ್ಲಾ ಶಿಕ್ಷಣಾಧಿಕಾರಿ ಶ್ರೀ ನಂದಿಕೇಶನ್ ಅವರಿಂದ ಉದ್ಘಾಟನೆ |
 |
| ಶಂಕರನಾರಾಯಣ ಭಟ್ ಅವರಿಗೆ ಸನ್ಮಾನ |
 |
| ಉಪನ್ಯಾಸಕಿ, ಡಾ.ಆಶಾಲತಾ ಅವರಿಗೆ ಸನ್ಮಾನ |
ಚೇವಾರು ಶ್ರೀ ಶಾರದಾ ಎ.ಯು.ಪಿ.ಶಾಲಾ ವಾರ್ಷಿಕೋತ್ಸವ ಇತ್ತೀಚೆಗೆ
ಜರಗಿತು.ಸಭಾಕಾರ್ಯಕ್ರಮವನ್ನು ಮಂಜೇಶ್ವರ ಉಪಜಿಲ್ಲಾ ವಿದ್ಯಾಧಿಕಾರಿ ನಂದಿಕೇಶನ್.ಎನ್,
ಉದ್ಘಾಟಿಸಿ,ವಿದ್ಯಾರ್ಥಿಗಳು ತಮ್ಮ ವ್ಯಕ್ತಿತ್ವವನ್ನು ಉತ್ತಮ ಪಡಿಸಲು,ಪಠ್ಯದೊಂದಿಗೆ,ಪಠ್ಯೇತರ
ಚಟುವಟಿಕೆಗಳಲ್ಲೂ ಸಕ್ರಿಯವಾಗಿ ಭಾಗವಹಿಸಬೇಕು,ಸಾರ್ವಜನಿಕ ವಿದ್ಯಾಲಯಗಳಲ್ಲಿ , ಪಠ್ಯೇತರ
ಚಟುವಟಿಕೆಗಳಿಗೆ ಸಾಕಷ್ಟು ಅವಕಾಶಗಳು ಲಭಿಸುತ್ತಿದ್ದು ಇದನ್ನು ಸಮರ್ಪಕವಾಗಿ ಬಳಸಬೇಕೆಂದು
ಕರೆಯಿತ್ತರು. ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ, ಪರಮೇಶ್ವರ.ಪಿ.ಅಧ್ಯಕ್ಷತೆ ವಹಿಸಿದರು.ಮುಖ್ಯ
ಅತಿಥಿಗಳಾಗಿ ಭಾಗವಹಿಸಿದ ಪೈವಳಿಕೆ ಪಂಚಾಯತಿನ ಮಾಜಿ ಅಧ್ಯಕ್ಷರಾದ ಅಚ್ಯುತ ಚೇವಾರ್,ರಾಜ್ಯ
ಪ್ರಶಸ್ತಿ ವಿಜೇತ,ನಿವೃತ್ತ ಮುಖ್ಯಶಿಕ್ಷಕ ಶಂಕರ ಕಾಮತ್,ಶಾಲಾ ವ್ಯವಸ್ಥಾಪಕ ನಾರಾಯಣ ಭಟ್ ಶುಭ
ಹಾರೈಸಿದರು.
ಈ ಸಂದರ್ಭದಲ್ಲಿ ಸೇವೆಯಿಂದ ನಿವೃತ್ತರಾಗುತ್ತಿರುವ ಶಿಕ್ಷಕ ಶಂಕರ ನಾರಾಯಣ ಭಟ್ ರನ್ನು
ಸನ್ಮಾನಿಸಿ ಬೀಳ್ಕೊಡಲಾಯಿತು.ಶಾಲೆಯ ಹಳೆ ವಿದ್ಯಾರ್ಥಿನಿ,ಪ್ರಸ್ತುತ ಕಾಸರಗೋಡು ಸರಕಾರಿ
ಕಾಲೇಜಿನಲ್ಲಿ ಉಪನ್ಯಾಸಕಿಯಾಗಿರುವ ಡಾ.ಆಶಾಲತಾ ಸಿ.ಕೆ.ಯವರನ್ನು ಸನ್ಮಾನಿಸಲಾಯಿತು.ವೈದ್ಯಕೀಯ
ವಿದ್ಯಾರ್ಥಿನಿ ವರ್ಷಾ ಪಾವಲುಕೋಡಿ ಹಾಗೂ ಸಮಾಜ ಸೇವಕ ಮೊಯಿದಿನ್ ಕುಂಞ ಚೇವಾರ್ ಇವರನ್ನು
ಗೌರವಿಸಲಾಯಿತು.ಪ್ರತಿಭಾವಂತ ಹಳೆ ವಿದ್ಯಾರ್ಥಿಗಳಿಗೆ,ಶಾಲಾ ಮಕ್ಕಳಿಗೆ ಬಹುಮಾನಗಳನ್ನು
ವಿತರಿಸಲಾಯಿತು. ಪೈವಳಿಕೆ ಪಂಚಾಯತು ಸದಸ್ಯರುಗಳಾದ ಸುಬೈದಾ ಯಂ.ಪಿ,ಪುಷ್ಪಾ ಕಮಲಾಕ್ಷ, ಶಾಲಾ
ಸಂರಕ್ಷಣಾ ಸಮಿತಿ ಅಧ್ಯಕ್ಷ ಅಬ್ದುಲ್ ಕೋಯಾ,ಉಪಸ್ಥಿತರಿದ್ದರು.ಶಾಲಾ ಮುಖ್ಯ ಶಿಕ್ಷಕ ಶಾಮ
ಭಟ್.ಯು,ಅತಿಥಿಗಳನ್ನು ಸ್ವಾಗತಿಸಿದರು.ರವಿಕುಮಾರ್ ಶಾಲಾ ಚಟುವಟಿಕೆಗಳ ವರದಿ
ವಾಚಿಸಿದರು.ಸರಸ್ವತಿ ಬಿ.ಸನ್ಮಾನಿತರನ್ನು ಅಭಿನಂದಿಸಿದರು. ಗೋಪಾಲ ಕೃಷ್ಣ ಭಟ್
ವಂದಿಸಿದರು.ವಿನೋದ್ ಚೇವಾರ್ ಕಾರ್ಯಕ್ರಮ ನಿರೂಪಿಸಿದರು.ರಾಜೇಶ್ವರಿ, ಪುಷ್ಪಲತಾ,
ಪ್ರವೀಳಾ,ವಿಜಯನ್,ಪ್ರಸಾದ್ ರೈ ಸಹಕರಿಸಿದರು.ಶಾಲಾ ಮಕ್ಕಳಿಂದ ವಿವಿಧ ಸಾಂಸ್ಕೃತಿಕ
ಕಾರ್ಯಕ್ರಮಗಳು ಜರಗಿದವು.
No comments:
Post a Comment